“Istorioek hegan egiten dute, guganaino datoz eta ahoz-aho bidaiatzen dute”
–Zer aurkituko du Kotxepinera zure ikuskizuna ikustera hurbiltzen denak?
Inauterietatik eta hainbat mozorrotatik abiatuta, munduko toki anitzetako istorioetan murgilduko gara.
– Nondik dator lan honen ideia?
Fisikoki eta kulturalki, munduko leku oso desberdinetako istorioak kontatzeko gogotik. Istorioek hegan egiten dute, guganaino datoz eta ahoz-aho bidaiatzen dute. Inauteriak aitzakiatzat hartuta kontatuko ditut horiek.
– Zein balio landu nahi duzue ipuin saio honekin?
Ipuinek balio anitzak erakusten dizkigute. Kasu honetan, errespetua, adiskidetasuna, maitasuna eta elkar laguntzea besteak beste.
– Pandemiaren ostean, hasi zarete berriro martxa hartzen taula gainean aritzen zareten sortzaileok?
Sortzaileok sortzen jarraitu dugu, une oro. Taula gainean mugimendu gehiago dago, hala ere, ez nahi bezainbeste.
UDALemoa 