Atalak
UDALemoa [EUS]

Lemoako Udaleko kultura eta kirol arloko dirulaguntzak jasotzeko deialdia zabalik

Gehiago irakurri titularraren gainean klikatuz

ESKAERAK JASOTZEKO EPEA OTSAILAREN 14EAN BUKATUKO DA, ETA LEMOAKO UDALAK 80.000 EURO BIDERATUKO DITU,TALDE GUZTIEN BEHARRAK ASETZEKO MODUKO KOPURUA.

Lemoako Udalak kultura eta kirol arloko diru-laguntzak aurkezteko deialdia iragarri du Bizkaiko Aldizkari Ofizialean. Aurreko urteetan bezala, 80.000 mila euroko kopurua bideratuko du Udalak. “Kopuru honekin Lemoako elkarteen beharrak asetzen ditugu, eta Lemoako kultura-, kirol- eta elkarte-sarearen aldeko apustua sendotzen dugu” azaldu du Ioritz Fernandez Kultura eta Kirola zinegotziak.

Proposamena aurkeztu ahal izateko, bi baldintza bete behar dituzte herriko taldeek:

  • Irabazi asmorik gabeko erakunde edo elkarteak izatea, fundazioak barne, Eusko Jaurlaritzako Elkarteen Erregistroan izena emanda eta legez eratuta egotea, egoitza Bizkaiko Lurralde Historikoan izatea eta jarduerak Lemoako herritarrentzat zuzendutakoak izatea.
  • Pertsona fisikoak izatea, noizbehinkako ekimenez talde baten ordezkari partikularrak direnak, irabazi asmorik gabekoak badira eta udalerrian bizi badira.

Urtero bezala, herriko taldeek kultura-teknikariaren aholkularitza izango dute, bidean sortu daitezkeen oztopo edo arazoak konpontzeko.