UDALemoaLemoako udal buletina
Bigarren urtez jarraian ez da San Inaziorik ospatuko Lemoan. Pandemiak eta horren ondorioz eratorritako osasun egoerak bultzatuta hartu dute erabakia udal arduradunek, jai batzordearekin batera. Hori horrela, udaletik helarazi nahi duten lehen mezua da ez dela jaiak (edo “ez-jaiak”) ospatzeko momentua, eta arduraz jokatzearen garrantzia azpimarratu dute.
Kiroldegiarena funtsezko zerbitzua da Lemoan. Aste honetako Osoko Bilkuran zerbitzuaren esleipen berria onartu zen. Bi dira esleipen honen gakoak: Kiroldegiko langileak eta ikastaroak. Kontratuak bi urteko iraupena izango du, balizko hiru luzapenekin.
Arantxe, Arraño, Landitxe eta Elorriagara doazen errepideetan hobekuntza nabariak egingo dira uztailean zehar. Zoladura berritu egingo da, bidean dauden zuloak estaliz.
Merkatarien, ostalarien eta zerbitzu-enpresen “Lemoa ureztatzen” elkarteak egun hau balioetsi nahi dugu, egiten dugun lanari ikusgarritasuna ematen diolako. Era berean, udalerriaren garapenerako, kohesiorako eta hazkunderako ezinbesteko eragile sozioekonomikoa garenez, gure jarduna aldarrikatu nahi dugu.
UDALemoa 